പത്തേമാരി  പ്രവാസി  മലയാളി  അസോസിയേഷൻ

 പത്തേമാരി പ്രവാസി മലയാളി അസോസിയേഷൻ്റെ ഈ കൂട്ടായ്മയിലേക്ക് കടന്നു വന്നിട്ടുള്ള  എൻ്റെ സഹോദരീ സഹോദരൻമാരേ.....   നമ്മുടെ കുടുംബത്തിന് വേണ്ടി,നമ്മുടെ നാടിൻ്റെ സാമ്പത്തിക ഭദ്രതക്ക് വേണ്ടി മറുനാട്ടിൽ ഈ പ്രവാസലോകത്ത് ജീവിതത്തിന്റെ സിംഹഭാഗവും ഹോമിച്ച പ്രവാസികളും മുൻ പ്രവാസികളുമായ നമ്മൾ നമ്മുടെ ഉന്നമനത്തിന് വേണ്ടി,നമ്മുടെ പുനരധിവാസത്തിന് വേണ്ടി രൂപം കൊടുത്ത പ്രസ്ഥാനമാണ് പത്തേമാരി പ്രവാസി മലയാളി അസോസിയേഷൻ(PPMA).PPMA യുടെ പ്രവർത്തനം കേരളത്തിലെ പതിനാല് ജില്ലകളിലും പ്രവാസി മലയാളികളുള്ള ലോകത്തെ മറ്റു രാജ്യങ്ങളിലും വളരെ വേഗത്തിൽ ശക്തി പ്രാപിച്ചു വരികയാണ്.ഈ അവസരത്തിൽ നാട്ടിൽ നമ്മൾ തുടങ്ങാൻ ഉദ്ദേശിക്കുന്ന സംരംഭങ്ങളിലേക്കുള്ള പല നിർദ്ദേശങ്ങളും നമ്മുടെ മെമ്പർമാരിൽ നിന്നും ലഭിക്കുന്നുണ്ട്.അതിനാൽ നമ്മുടെ രജിസ്‌ട്രേഷൻ നടപടികൾ പൂർത്തിയായി കഴിഞ്ഞ സ്ഥിതിക്ക് ഉടൻ തന്നെ നമ്മുടെ മെമ്പർ ഷിപ്പ് നടപടികളും തുടർന്ന് നമ്മുടെ സംരംഭങ്ങളിലേക്കും കടക്കുന്നതാണ്.അതുകൊണ്ട് പ്രിയമുള്ളവരേ നമുക്ക് വേണ്ടി പ്രവർത്തിക്കാൻ മറ്റാരുമില്ല എന്ന വസ്തുത മനസ്സിലാക്കി നമുക്ക് വേണ്ടി നമ്മൾ തന്നെ മുന്നിട്ടിറങ്ങുക..... നിങ്ങളോരോരുത്തരും നിങ്ങളുടെ സുഹൃത്തുക്കളായ പ്രവാസികളേയും മുൻപ്രവാസീകളേയും നമ്മോടൊപ്പംചേർക്കുവാൻമുന്നിട്ടിറങ്ങണം

                                                                                                     സ്നേഹപൂർവ്വം:-

                                                                                                                സക്കീർ പായിപ്ര
                                                                                 കോർ കമ്മിറ്റി ചെയർമാൻ.PPMA